Google ჰიპ-ჰოპის 44-ე წლისთავს მუსიკალური და მხიარული დუდლით აღნიშნავს.

დუდლი საშუალებას გაძლევთ სიმღერები თავად გამიქსოთ და ცოტა ხნით DJ-ს როლი მოირგოთ.

ვიდრე დი ჯეობას შეუდგებით, მანამდე Fab 5 Freddy, ამერიკელი ჰიპ-ჰოპ არტისტი და გრაფიტის მხატვარი, მოკლედ მოგიყვებათ ისტორიას, თუ როგორ შეიცვალა ნიუ-იორკის საცეკვაო სცენა ერთი DJ-ს ინოვაციით.

1973 წლის 11 აგვისტოს, DJ Kool Herc-მა, სასწავლო წლის დაწყების წვეულებაზე ორფირფიტიანი მიქსერით დაუკრა, რამაც დამსწრეებს უწყვეტად ცეკვის საშუალება მისცა. აქედან დაიწყო ბრეიქდანსის კულტურა და შემდეგ უკვე პირველი MC-ებიც გამოჩნდნენ.

დუდლის ნახვა Google-ზე შესვლით და გრაფიტის ფოტოზე ხელის დაჭერით შეგიძლიათ.

გუგლის წარმომადგენლის თქმით, მათ ასეთი დუდლი ჯერ არ გაუკეთებიათ და მასზე მუშაობა ტექნიკური მხრივ გუნდისთვის გამოწვევა იყო.