რუსეთმა ჩინეთში საბრძოლო უპილოტო საფრენი აპარატის ახალი მოდელი შექმნა, რომლის გამოყენებასაც უკრაინაში აპირებს, — ინფორმაციას Reuters ავრცელებს.

სააგენტოს ცნობით, რუსეთმა დრონის ცდები ჩინეთის ტერიტორიაზე წარმატებით უკვე ჩაატარა. ახალი დრონის შექმნაში რუსული მხრიდან იჟევსკის ელექტრომექანიკური ქარხანა "კუპოლი" მონაწილეობდა.

ახალი უპილოტო საფრენი აპარატის სახელია "გარპია-3". მისი ცდები 2024 წლის დასაწყისში ჩატარდა.

Reuters-ის ინფორმაციით, "გარპია-3"-ს 50 კილოგრამამდე ტვირთის გადატანა და დაახლოებით 2 000 კილომეტრის მანძილზე ფრენა შეუძლია. ჩინეთში ჩატარებული ცდების შემდეგ ახალი უპილოტო საფრენი აპარატის რამდენიმე მოდელი იჟევსკში ჩაიტანეს დამატებითი შემოწმების მიზნით.

კომპანია "კუპოლმა" უკვე მისწერა რუსეთის თავდაცვის სამინისტროს, რომ მას ჩინეთში ასეთი დრონების მასიური წარმოება შეუძლია, რასაც შემდეგში უკრაინაში გამოიყენებს