ქუთაისის საერთაშორისო აეროპორტში ახალი ტერმინალის კარკასის მშენებლობის შესახებ, საქართველოს აეროპორტების გაერთიანებამ ტენდერი გამოაცხადა. ახალი ტერმინალი არსებულის მიმდებარედ განთავსდება და მისი გაგრძელება იქნება. გათვალისწინებულია, რომ შიდა ფართი ნოლი ნიშნულის ზევით 13 105 მ2-ია.

პროექტის თანახმად, ტერმინალის ღირებულება 23 305 085 ლარია, სამუშაოს შესრულების ვადა კი ხელშეკრულების გაფორმებიდან 140 კალენდარული დღეა. წინადადებების მიღება 17 აგვისტოს სრულდება.

2017 წლის პირველი ექვსი თვის სტატისტიკური მონაცემების მიხედვით, საქართველოს აეროპორტებში მგზავრთა ნაკადი 48,61%-ით გაიზარდა.

საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტოს ცნობით, 2017 წლის პირველი ექვსი თვის მონაცემებით, ქუთაისის საერთაშორისო აეროპორტში მგზავრთა ნაკადი თითქმის 94%-ით გაიზარდა და 184 840 მგზავრი შეადგინა.