გერმანიის ბიბლიოთეკაში ვოლფგანგ ამადეუს მოცარტის დღემდე უცნობი მუსიკალური ნაწარმოები აღმოაჩინეს, რომელიც მოცარტმა, სავარაუდოდ, მოზარდობისას დაწერა.

როგორც ლაიფციგის მუნიციპალური ბიბლიოთეკა აცხადებს, ნაწარმოები 1760-იანი წლებით თარიღდება, შვიდი მინიატიურული მოქმედებისგან შედგება, დაახლოებით 12 წუთის განმავლობაში გრძელდება და სიმებიანი ტრიოსთვისაა დაწერილი.

ნაწარმოები პირველად გუშინ, 19 სექტემბერს, კიოხელის კატალოგის ახალი ვერსიის წარდგენისას ავსტრიის ქალაქ ზალცბურგში შეასრულეს, სადაც მოცარტი დაიბადა.

მკვლევრებმა განაცხადეს, რომ ახლად აღმოჩენილი ხელნაწერი თავად მოცარტის მიერ არ არის დაწერილი, მაგრამ ვარაუდობენ, რომ ეს არის დაახლოებით 1780 წელს გადაწერილი ასლი.

კატალოგში ნაწარმოები მოხსენებულია როგორც Ganz kleine Nachtmusik.

მუსიკალური ნაწარმოების პრემიერა გერმანიაში, ლაიფციგის ოპერაში, ხვალ, 21 სექტემბერს გაიმართება.