ძლიერი ქარისა და სეტყვის შედეგად ლაგოდეხის რაიონის სოფლები დაზარალდნენ. განსაკუთრებით ჭაბუკიანმა და ონანაურმა იზარალეს, სადაც 200-მდე ჰექტარი ვენახი, ერთწლიანი კულტურები და საზამთროს ბაღები განადგურდა.

უკვე შეიქმნა სპეციალური კომისია, რომელიც ზიანს დაითვლის, თუმცა ჯერჯერობით უცნობია, რა ფორმით აუნაზღაურდებათ დაზარალებულებს დანაკარგი.

ადგილობრივ მაცხოვრებლის, ოთარ რეხვიაშვილის განმარტებით, სეტყვა დახლოებით 20 წუთს გაგრძელდა:

"გარეთ ვერ გამოხვიდოდი, არ არსებობდა. ქარიშხალი ძალიან დიდი. ძალიან დავზიანდით. თუ რამეს გადმოიხედავს მთავრობა ჩვენკენ და დაგვეხმარება".

ლაგოდეხის მუნიციპალიტეტის გამგებელმა, გია გაფრინდაშვილმა კი განმარტა, რომ სადაზღვეო კომპანიას უკვე მიაწოდეს მომხდარის შესახებ ინფორმაცია:

"5 დღის განმავლობაში მოვა სპეციალური კომისია და შეაფასებს ზარალს, რომლის მიხედვითაც გადაუხდიან თანხას".