ოპოზიციის თქმით, ქართული ოცნების რეპრესიების მორიგი მსხვერპლი ერთიანობა-ნაციონალური მოძრაობის შტაბის წევრი — ზურაბ აბაევია. ის სასტიკად არის ნაცემი. მათი ინფორმაციით, აბაევი "პოლიციის განყოფილებიდან პირდაპირ კლინიკაში" გადაიყვანეს.

ადვოკატისა და თვითმხილველთა თქმით, ენმ-ის წევრს მხოლოდ იმიტომ გაუსწორდნენ, რომ კითხვა დასვა — რატომ უღებდნენ ქუჩაში სურათებს.

ადვოკატის მტკიცებით, აბაევი ცემით მიიყვანეს განყოფილებაში, სადაც ცუდად გახდა, ხოლო პოლიცია იძულებული გახდა, რომ დაკავებული კლინიკაში გადაეყვანა.

აბაევს მრავლობითი დაზიანებები აღენიშნება და ექიმების მეთვალყურეობის ქვეშ იმყოფება.