მიანმარში, ტაიფუნ იაგის შედეგად გამოწვეულ წყალდიდობებს კიდევ 33 ადამიანი ემსხვერპლა — ამის შესახებ ინფორმაციას ბრიტანული გამოცემა BBC ავრცელებს.

აქამდე, ტაიფუნ იაგის შედეგად ვიეტნამში 200-დე ადამიანი დაიღუპა, ხოლო 125-ზე მეტი ადამიანი დაკარგულად ითვლებოდა.

გამოცემა BBC-ის ცნობით, ტაიფუნისგან გამოწვეული წყალდიდობის შედეგად, სულ მცირე 230 000 ადამიანს მოუწია საცხოვრებელი სახლის მიტოვება — ამ დროისთვის, მიანმარის დედაქალაქი, ნაიფიიდო სტიქიის შედეგად ყველაზე დაზარალებული რეგიონია.

მიანმარის მმართველმა ხუნტამ, უსახლკაროდ დარჩენილთათვის დროებითი ბანაკები მოაწყო.