15 სექტემბრის UFC 306 ქართული საბრძოლო ხელოვნებისთვის განსაკუთრებით მნიშვნელოვანი იქნება! “ქართველი მანქანა” — მერაბ დვალიშვილი საჩემპიონო ქამრისთვის იბრძვის და მისი გამარჯვების შემთხვევაში ქვეყანას მეორე ჩემპიონი ეყოლება! მისი სატიტულო ბრძოლა გამორჩეულად მნიშვნელოვანია Setanta Sports-ისთვისაც! პირველ რიგში სწორედ იმიტომ, რომ ბრენდი ზოგადად ქართული სპორტის გულმხურვალე გულშემატკივრია და მის ერთ-ერთ მთავარ მიზანს, ქართული ინდუსტრიის განვითარება წარმოადგენს. მეორე და უმნიშვნელოვანესი კი ის ფაქტია, რომ მერაბ დვალიშვილი Setanta Sports-ის ბრენდ ამბასადორია. Setanta Sports-მა როგორც ბრენდმა, მერაბმა კი UFC მებრძოლმა განვითარების გრძელი, დაბრკოლებებით სავსე გზა ერთად გაიარეს. ქართული MMA Community-ის ჩამოყალიბებაში Setanta Sport-ის გუნდმა, გადაცემებმა, სოციალური ქსელის გვერდებმა — Fight Night Georgia-მ, დიდი როლი შეიტანა. მრავალწლიანმა გამოცდილებამ, შრომამ, დასახული მიზნებისკენ სწრაფვამ, ნათლად დაგვანახა, რომ ერთ მუშტად შეკვრით ყველაფერი შესაძლებელია!

“ჩემი ცხოვრება ბრძოლაა ოცნებებისთვის!“ — ამბობს ქართველი “მანქანა“, მერაბ დვალიშვილი! გულშემატკივრებს, სოციალურ ქსელში, ერთხელ მაინც შეხვდებოდათ მისი ჰაერში აღმართული ხელი და გამარჯვებისკენ მომართული მუშტის ფოტო, რომელიც მერაბის ხასიათს იდეალურად გამოხატავს. სწორედ აღნიშნულის ინსპირაციით, მერაბამდე გულშემატკივრების ერთიანობის სათანადოდ მისატანად, შეიქმნა კამპანია “ერთ მუშტად“, რომელიც მისთვის დამახასიათებელ მნიშვნელოვან დეტალებს აერთიანებს!

საბრძოლო მუხტის სათანადოდ გამოსახატავად, Setanta Sports-მა, Heima Production-თან ერთად, რევაზ ლაღიძის “ლაშქრული“ გადააკეთა და მას მერაბისეული, თანამედროვე, ხასიათი შესძინა.

ერთ მუშტად, შონ ომალის “გასადისად“ შეიკრნენ ქართული ჰიპ-ჰოპის არტისტები! მერაბს მხარში უდგას ყველა, ეროვნული საფეხბურთო ნაკრების და სახელოვანი ოლიმპიელების ჩათვლით!

მათთვის ვინც ლას-ვეგასში წასვლას ვერ შეძლებს, მაგრამ არც მერაბის ბრძოლის სახლიდან ყურება უნდა, Setanta Sports-ი ფილარმონიის გარეთა ეკრანზე დაპირისპირების პირდაპირ ჩვენებას უმასპინძლებს. ბრენდის ერთ-ერთი მიზანი სპორტის ყურების განსხვავებული გამოცდილების შექმნაა. მერაბ დვალიშვილის ბრძოლის საჯარო ჩვენების მოწყობა კი, სწორედ გულშემატკივრებისთვის “ერთ მუშტად“ გაერთიანებას, საყვარელი მებრძოლის შორიდან, თანამოაზრეებთან ერთად გამხნევებას ემსახურება!

ქართველი მანქანის გამხნევებას საერთაშორისო ხასიათი ექნება Ad Black Sea-ის ფესტივალზე, სადაც Setanta Sports-ი, ბრძოლის პირდაპირ ჩვენებასა და სპეციალურ ღონისძიებას უმასპინძლებს.

მერაბის გულშემატკივრობისა და ბრენდის მიერ შექმნილ კამპანიებზე სასაუბროდ საუკეთესო ადგილი იყო ფესტივალი, რომელიც დაარსების შემდეგ რეგიონული კრეატიული სცენის ერთ-ერთი მთავარი აქტორია.

Ad Black Sea სწორედ ის ფესტივალია, რომელიც შავი ზღვის რეგიონის ევროპასთან დაკავშირებას განსხვავებული და კრეატიული პროექტებით ცდილობს. ფესტივალი, როგორც ინდივიდუალურ მონაწილეებს ასევე სხვადასხვა ორგანიზაციებს, ლოკალურ, რეგიონულ და საერთაშორისო დონეზე თავიანთი შემოქმედების წარმოჩენის საშუალებას აძლევს. წლევანდელ ფესტივალში მონაწილეობას 1500 ადამიანი მიიღებს, შესაბამისად Setanta Sports-ის ღონისძიებაც აქტიური და დატვირთული იქნება.

თვალი ადევნეთ Setanta Sports-ის გვერდებს ხოლო 15 სექტემბერს, ფილარმონიის წინ, შეიკარით “ერთ მუშტად“ ახალი ჩემპიონის მოლოდინში!