აშშ-ის ყოფილმა პრეზიდენტმა დონალდ ტრამპმა აღიარა, რომ ვლადიმერ პუტინის განცხადების გამო, რომ ის ამერიკის საპრეზიდენტო არჩევნებში კამალა ჰარისს უჭერს მხარს, ნაწყენია და თავს შეურაცხყოფილად გრძნობს.

მანამდე, რუსეთის პრეზიდენტმა აღმოსავლეთის ეკონომიკური ფორუმის პლენარულ სესიაზე გამოსვლისას განაცხადა, რომ მოსკოვი მხარს დაუჭერს ჰარისს, რაკი მას ამერიკის ამჟამინდელი პრეზიდენტი ჯო ბაიდენი უწევს რეკომენდაციას. პუტინმა აღნიშნა, რომ დემოკრატი კანდიდატის გადამდები სიცილი იმაზე მეტყველებს, რომ მას ყველაფერი კარგად აქვს.

"მე ვიცნობ პუტინს, კარგად ვიცნობდი. ის მხარს უჭერს კამალას. მე ძალიან განაწყენებული ვარ ამით", – განუცხადა ტრამპმა მხარდამჭერებს ვისკონსინში.