"მე პირადად მომხრე ვარ, კულტურის მინისტრის საერთოდ გაუქმების და სხვადასხვა ინსტიტუტებისთვის, ფონდებისთვის მეტი შესაძლებლობების და დაფინანსების მიცემის. ამ საკითხს სჭირდება შესწავლა”, — ამის შესახებ საქართველოს პრეზიდენტმა, სალომე ზურაბიშვილმა ტელეკომპანია ფორმულას ეთერში, გადაცემაში მე-17 სართულზე განაცხადა.

მისი თქმით, "ქართული კულტურა და კულტურის პოლიტიკა იმავე დღეშია, რაშიც ქვეყანა, ახლოს ვართ ევროპის კარებთან, მაგრამ ხელისუფლება ქვეყანას ევროპის კართან ბლოკავს".

პრეზიდენტი აცხადებს, რომ უწყებას დაქვემდებარებული ინსტიტუტები დამოუკიდებლად უფრო ეფექტურად იმუშავებენ. ამის მაგალითად ძეგლთა დაცვის სააგენტოს ასახელებს

"მე პირადად მომხრე ვარ, კულტურის მინისტრის საერთოდ გაუქმების და სხვადასხვა ინსტიტუტებისთვის, ფონდებისთვის მეტი შესაძლებლობების და დაფინანსების მიცემის. ამ საკითხს სჭირდება შესწავლა. მე მგონია, თანამედროვეობა ამას მოითხოვს და არა იმ ძველ ფორმებს, როცა ერთი სამინისტროს ცდილობს, ყველაფერი [დაიქვემდებაროს]. ძეგლთა დაცვის სააგენტო ბევრად კარგად მუშაობდა ცალკე, ვიდრე ახლა. ცალკე სააგენტოს თავის თავზე არის პასუხისმგებელი ბიუჯეტური დახმარება საჭიროა, მაგრამ ასევე შეიძლება მოიპოვონ ცალკე დაფინანსება, კერძო სექტორი იყოს ჩართული", — განაცხადა სალომე ზურაბიშვილმა.