4 სექტემბერს, გამთენიისას რუსეთმა ლვოვზე დრონებითა და რაკეტებით იერიში მიიტანა. ოკუპანტების თავდასხმის შედეგად, ბოლო მონაცემებით, 7 მშვიდობიანი მოქალაქე ემსხვერპლა, მათ შორის — 3 ბავშვი, სულ 64-ია დაშავებული.

ლვოვის მერის, ანდრიი სადოვის ცნობით, იერიშს ერთი ოჯახის 4 წევრი: დედა, იევჰენია ბაზილიევიჩი და მისი 3 ქალიშვილი — იარინა, ემილია და დარინა ემსხვერპლნენ. იარინა 21 წლის იყო, ხოლო ემილია და დარინა მცირეწლოვნები. ისინი საკუთარ სახლში დაიღუპნენ. თავდასხმას მხოლოდ მამა გადაურჩა.

"ევროპის ცენტრში რუსეთი უკრაინელების მთლიან ოჯახებს ანადგურებს. რუსები ჩვენს შვილებს კლავენ, ჩვენს მომავალს. არ ვიცი რა სიტყვები შევარჩიო მამის — იაროსლავის სანუგეშებლად. ჩვენ დღეს ყველა შენ გვერდით ვართ. გულწრფელად გისამძიმრებთ", — წერს სადოვი Telegram-ზე და ოჯახის ფოტოს აქვეყნებს