გურჯაანის მუნიციპალიტეტში მომხდარი მკვლელობის ბრალდებით დაკავებულ პირს, საქართველოს პროკურატურამ ბრალდება წარუდგინა.

შსს-ს გამოძიებით, 28 აგვისტოს, სოფელ ახალაშენში, მეუღლეზე ძალადობისთვის ნასამართლევმა ბრალდებულმა შურისძიების მოტივით, სასროლი იარაღით დაჭრა ერთი პირი, რომელიც სარემონტო სამუშაოებს ასრულებდა, ხოლო შემდეგ მეუღლეს ესროლა. ორივე ადგილზე გარდაიცვალა.

მომხდარის შემდგომ, ბრალდებული საკუთარი ავტომობილით მივიდა შატო ზეგაანის მიმდებარე ტერიტორიაზე, სადაც მრავალჯერადი გასროლით მოკლა კიდევ ერთი პირი.

აღნიშნული დანაშაულისთვის ბრალდებულს წარედგინა სასჯელი, რაც ითვალისწინებს 16-დან 20 წლამდე ან უვადო თავისუფლების აღკვეთას.

ბრალდების მხარემ, ბრალდებულის აღკვეთის ღონისძიების სახით პატიმრობის გამოყენების შუამდგომლობით, თელავის რაიონულ სასამართლოს უკვე მიმართა.