ესპანეთში პომიდვრის ტრადიციული ფესტივალი გაიმართა

ესპანეთში, ქალაქ ბუნიოლში, პომიდვრის ტრადიცული ფესტივალი "ტომატინა" გაიმართა.

Reuters-ის ცნობით, ფესტივალში დაახლოებით 22 ათასმა ადამიანმა მიიღო მონაწილეობა, რომელთა შორის ბევრი ტურისტიც იყო.

"ჩვენ გვიყვარს პომიდორი! ამიტომ გადავწყვიტეთ ჩამოსვლა და დროც მშვენივრად გავატარეთ, თანაც სპაგეტის პომიდვრის სოუსით მომზადებასაც ვაპირებთ" — აღნიშნა ტეილორმა, ავსტალიიდან ჩამოსულმა ტურისტმა.

ფესტივალზე დაახლოებით 150 ტონა პომიდორი განადგურდა, ბრძოლა კი ერთ საათს გაგრძელდა, თუმცა ეს საკმარისი დროა იმისთვის, რომ ბუნიოლის ცენტრალურ ქუჩაზე პომიდვრების გორა დადგეს.

ფესტივალის ტრადიცია სათავეს 1945 წლიდან იღებს და ქალაქის მფარველის, წმინდა ლუის ბერტრანის პატივსაცემად ტარდება. ითვლება, რომ პომიდვრებით პირველი ბრძოლა ასეთ ფესტივალზე, მეგობრებს შორის ჩხუბის დროს მოხდა. ფრანკოს მმართველობის პერიოდში ფესტივალის ჩატარება აიკრძალა, თუმცა 80-იანი წლებიდან განახლდა და დღემდე დიდი პოპულარობით სარგებლობს.