რუსეთის დედაქალაქის მერმა, სერგეი სობიანინმა ტელეგრამ-არხებში გაავრცელა ცნობა, რომ მოსკოვის საჰაერო თავდაცვის სისტემებმა "დრონების მძლავრი შეტევა" მოიგერიეს.

სობიანინმა დაწერა, რომ დილის ექვსის ნახევრისთვის ჩამოგდებული იყო რვა დრონი.

"ეშელონირებულმა დაცვამ წარმატებით მოიგერია ყველა შეტევა" და საჰაერო თავდაცვის ძალებმა სულ "10 ცალი ჩამოაგდეს". მერის თქმით, ეს იყო მოსკოვზე შეტევის "ერთ-ერთი ყველაზე მასშტაბური მცდელობა". დამოუკიდებელი წყაროებით ეს ცნობები დადასტურებული არ არის.

უკრაინის ოფიციალურ უწყებებს აღნიშნულთან დაკავშირებით კომენტარი ჯერჯერობით არ გაუკეთებიათ.