ლოს-ანჯელესის პოლიციის განცხადებით, ამერიკელი მსახიობი, მაიკლ მედსენი, ოჯახში ძალადობის ბრალდებით დააკავეს.

BBC-ს განცხადებაში ნათქვამია, რომ "ოჯახში კონფლიქტის" ინციდენტი კალიფორნიაში, შუაღამის შემდეგ მოხდა, რაზეც ლოს-ანჯელესის პოლიციამ შესაბამისად იმოქმედა. ამასთან, ქალმა პოლიციას განუცხადა, რომ "ქმარმა ხელი კრა და სახლიდან გააგდო."

მედსენი, რომელმაც ითამაშა კვენტინ ტარანტინოს ფილმებში Reservoir Dogs და Kill Bill: Volume 2. პატიმრობიდან $20 ათასის გირაოს სანაცვლოდ გაათავისუფლეს.

"ეს იყო უთანხმოება მაიკლსა და მის ცოლს შორის, რომელიც, იმედია მალევე დადებითად გადაწყდება“, — განუცხადა მსახიობის წარმომადგენელმა მედიას, თავად 66 წლის მსახიობს კი ამ საკითხზე საჯარო კომენტარი არ გაუკეთებია.

ამ დროისთვის გამოძიება მიმდინარეობს, ლოს-ანჯელესის პოლიციის განცხადებაში საქმესთან დაკავშირებული დამატებითი დეტალები აღნიშნული არ არის.

მაიკლ მედსენი და დეანა მედსენი 28 წელია დაქორწინებულები არიან.