სურსათის ეროვნულმა სააგენტომ სამომხმარებლო ბაზარზე განთავსებული ქართული წარმოების 21 დასახელების 105 ნიმუში შეამოწმა. შემოწმებულ ნაყინებს შორის მოხვდა ვანილის, ჭიქის, საოჯახო, კაკაოს, ყავის, შოკოლადის, ხილის, ესკიმო და ა. შ.

უწყების ინფორმაციით, ლაბორატორიული კვლევის შედეგად დადგინდა, რომ ნაყინის 105 ნიმუშიდან არცერთი არ არის დაბინძურებული პათოგენური მიკროორგანიზმებით. მათივე განმარტებით, ლისტერია მონოციტოგენეზი (Listeria monocytogenes) პათოგენური მიკროორგანიზმია, რომელიც განსაკუთრებულ საფრთხეს უქმნის ბავშვებისა და ორსული ქალების სიცოცხლესა და ჯანმრთელობას. სალმონელა (Salmonella) კი ბაქტერიათა ჯგუფია, რომელიც იწვევს ტიფოიდურ დაავადებებს და მწვავე გასტროენტეროკოლიტს.

სურსათის ეროვნული სააგენტოს მონაცემებით, მსგავსი შემოწმება გასულ წელსაც ჩატარდა.