ტომას ჩეკონი, 23 წლის იტალიელი მოცურავე, რომელიც 100 მეტრზე ცურვაში ოქროს მედალოსანია, პარიზის ერთ-ერთ პარკში მძინარე დააფიქსირეს.

ფოტოზე ვხედავთ, რომ სპორტსმენს პარკში პლედი აქვს გაშლილი და ბალახზე სძინავს. ფოტო არაბმა ნიჩბოსანმა, ჰუსეინ ალირეზამ გადაიღო და შესაბამისი წარწერაც გაუკეთა: "დღეს დაისვენე, ხვალ დაიპყარი."

ფოტო: Husein Alireza

როგორც იტალიურ ტელევიზიასთან Rai საუბრისას აღნიშნა, ჩეკონი ოლიმპიური სოფლის პირობებით უკმაყოფილო იყო. მისი ინტერვიუს მიხედვით, ბევრი სპორტსმენი გამოთქვამდა პრეტენზიას საჭმლის ხარისხის, მუყაოს საწოლების და არაკომფორტული საცხოვრებლის გამო, თავად ჩეკონს კი კონდიციონერის გაუმართაობა აწუხებდა, რის გამოც გარეთ დაძინება გადაწყვიტა.

ტომას ჩეკონი

ფოტო: Getty Images