კახა კალაძემ "ტვ პირველის" წინააღმდეგ აღსრულება დაიწყო — ტელევიზიის ანგარიშები, შესაძლოა, დაყადაღდეს
![](http://ross.on.ge/2021/03/12/1615475235.jpg)
ფოტო: On.ge
ტვ პირველის ინფორმაციით, თბილისის მერმა კახა კალაძემ, ტელეკომპანია პირველის წინააღმდეგ აღსრულება დაიწყო — ტელევიზიის ანგარიშები, შესაძლოა, დაყადაღდეს.
თბილისის მერის ადვოკატმა დიმიტრი გაბუნიამ ტელეკომპანია პირველის წინააღმდეგ წარმოებულ საქმეზე აღსრულების ეროვნულ ბიუროს მიმართა და სასამართლოს გადაწყვეტილების აღსრულებას მოითხოვს, რომელმაც ტელეკომპანიას გავრცელებული ინფორმაციის უარყოფა და 15 ათასი ლარის გადახდა დააკისრა.
"ტელეკომპანია პირველს და მაია მამულაშვილს დააკისრა ამ ყალბი ცნობების უარყოფა იმავე საშუალებით, როგორც ეს ცნობები იყო საჯაროდ გავრცელებული და ასევე, მორალური ზიანის სახით დააკისრა 15 ათასი ლარის გადახდა. დღეს ჩვენ დავიწყეთ ამ კანონიერ ძალაში შესულო გადაწყვეტილების აღსრულება. ალბათ, ხვალ ან ზეგ გაეგზავნება მეორე მხარეს ოფიციალური მოთხოვნა და ისინი ვალდებულები არიან, მოცემული გადაწყვეტილება შეასრულონ. გადაწყვეტილების შეუსრულებლობა მოქმედი კანონმდებლობით არის გათვალისწინებული, რაც გულისხმობს სისხლის სამართლებრივ პასუხისმგებლობას," —- განაცხადა დიმიტრი გაბუნიამ.
მისი თქმით, თუ მორალური ზიანის სახით დაკისრებულ თანხას კომპანია არ გადაიხდის, უძრავ-მოძრავი ქონება დაყადაღდება.
2022 წლის ნოემბერში სასამართლომ ტვ პირველის წამყვანს, მაია მამულაშვილს, კახი კალაძისთვის 15 ათასი ლარის გადახდა დააკისრა და ინფორმაციის საჯაროდ უარყოფა მოსთხოვა.
საქალაქო სასამართლოს გადაწყვეტილება ზედა ინსტანციებმა ძალაში დატოვეს — უზენაესმა სასამართლომ საბოლოო გადაწყვეტილება 2023 წლის ნოემბერში მიიღო.
კახა კალაძე მორალური ზიანისთვის 100 ათას ლარს ითხოვდა. თბილისის მერი წამყვანს პირდაპირ ეთერში ნათქვამი ფრაზის გამო ედავებოდა — თბილისის მერის წარმომადგენლის თქმით, 2022 წლის 5 ივნისს მამულაშვილმა, წყაროს მითითების გარეშე, მტკიცებით ფორმაში თქვა, რომ კალაძემ ტენდერებიდან 60 მილიონი მიიღო.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები