სლიმ შეიდი დაბრუნდა, თანაც ისე ხმაურიანად, როგორც მისგან გვჩვევია — მისმა ახალმა ალბომმა The Death of Slim Shady (Coup de Grâce) გამოსვლისთანავე ბილბორდის ჩარტის პირველი ადგილი დაიკავა და ტეილორ სვიფტის 12-კვირიანი დომინაცია დაასრულა.

სვიფტის ალბომს The Tortured Poets Department გამოსვლიდან პირველ კვირაში მხოლოდ ამერიკაში 891.34 მილიონჯერ მოუსმინეს, რაც ისტორიაში მუსიკალური ალბომის ყველაზე წარმატებული დებიუტია. სვიფტმა ბილბორდის სიის მოწინავე პოზიცია აპრილში დაიკავა და პირველ ადგილზე სამი თვე გაატარა.

ფოტო: Getty Images

ერთადერთი მუსიკოსი, რომლის რეკორდის მოხსნის შემთხვევაშიც ტეილორ სვიფტი გახდებოდა არტისტი, რომელმაც ყველაზე დიდი ხნის განმავლობაში შეძლო ჩარტების პირველ ადგილზე ყოფნა, სტივი უონდერია. მისი ალბომი Songs in the Key of Life ჯამში 14 კვირის განმავლობაში იყო ყველაზე მოსმენადი მთელ მსოფლიოში.

The Death of Slim Shady (Coup de Grâce) ემინემის მე-12 ალბომი და მე-11 პირველადგილოსანი ჰიტია. The Tortured Poets Department ამჟამად ბილბორდის სიაში მეოთხე ადგილზე იმყოფება.

ფოტო: Getty Images