დღეს, 10 ივნისს, ევროპის საფეხბურთო ჩემპიონატი იწყება, რომელსაც საფრანგეთი მასპინძლობს.

შეჯიბრის პირველ მატჩში ერთმანეთს, მასპინძელი, საფრანგეთისა და რუმინეთის საფეხბურთო ნაკრებები დაუპირისპირდებიან.

თამაში სენტ-დენისში, Stade de France-ზე, თბილისის დროით 23:00-ზე დაიწყება.

საფრანგეთისა და რუმინეთის ნაკრებები, ევროპის ჩემპიონატებზე, აქამდე ორჯერ შეხვედრილან ერთმანეთს. ევრო 96-ში ორი გუნდის დაპირისპირება 1:0 დასრულდა, საფრანგეთის სასარგებლოდ; ხოლო ევრო 2008-ის დროს მატჩი ფრედ, 0:0 დამთავრდა.

საერთო ჯამში ნაკრებები ერთმანეთს ოფიციალურ მატჩებში რვაჯერ შეხვდნენ. აქედან 5 მატჩი ფრედ დასრულდა, ხოლო სამი საფრანგეთის გამარჯვებით.

ჩემპიონატის პირველ მატჩს უნგრელი არბიტრების ბრიგადა უმსაჯებს.