ეროვნული პლატფორმა: მოვუწოდებთ საერთაშორისო ორგანიზაციებსა და ქვეყნებს, გააძლიერონ მხარდაჭერა უკრაინის მიმართ

17 Jul. 2024, 15:56

საქართველოს ეროვნული პლატფორმა გმობს რუსეთის სასტიკ დარტყმას უკრაინაში სამშობიაროსა და ოჰმატდიტის ბავშვთა საავადმყოფოზე.

რუსეთის შეიარაღებული ძალები სისტემატურად სჩადიან ასეთ სამხედრო დანაშაულებს. 1400-ზე მეტი თავდასხმაა დოკუმენტირებული უკრაინის ჯანდაცვის დაწესებულებებისა და სამედიცინო მუშაკების წინააღმდეგ. ოფიციალური მონაცემებით, ომის დაწყებიდან დღემდე ჯანდაცვის 200 მუშაკი დაიღუპა.

რუსული შეიარაღება განზრახ ბომბავს უკრაინის ჯანდაცვის ობიექტებს, რაც არის როგორც ომის დანაშაული, ასევე, მძიმე დანაშაული კაცობრიობის წინააღმდეგ.

წარმოუდგენელმა აგრესიამ ბავშვების, ქალებისა და ჯანდაცვის მუშაკების მიმართ, კიდევ ერთხელ დაგვარწმუნა, რომ აუცილებელია მეტი დახმარება უკრაინის უსაფრთხოებისა და თავდაცვისთვის, ასევე, საერთაშორისო მხარდაჭერა და მზარდი ზეწოლა კრემლის ტირანიის წინააღმდეგ.

ჩვენ, საქართველოს ეროვნული პლატფორმა, სოლიდარობას ვუცხადებთ ჩვენს უკრაინელ კოლეგებს. მოვუწოდებთ საერთაშორისო ორგანიზაციებსა და ქვეყნებს, გაზარდონ უკრაინის მხარდაჭერა ყველა სფეროში.

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

არჩილ გორდულაძე: მამუკა მდინარაძის წასვლა დანაკლისია, მას და მის გადაწყვეტილებას ვცემთ უდიდეს პატივს