მოემზადეთ ძველ რომში სამოგზაუროდ — რიდლი სკოტის ეპიკური ისტორიული დრამა გლადიატორი ეკრანებზე მეორე ნაწილით ბრუნდება!

კინოსტუდია Paramount Pictures-მა სულ ცოტა ხნის წინ გამოაქვეყნა გლადიატორი 2-ის ტრეილერი, რომელშიც პოლ მესკალს მთავარ როლში ვხედავთ. ირლანდიელი მსახიობი ფილმში უკვე გაზრდილ ლუციუსს ასახიერებს.

გლადიატორი 2-ში მოქმედება მისი წინამორბედის სიუჟეტიდან წლების შემდეგ ვითარდება, როცა ლუციუსი ჩრდილოეთ აფრიკაში, ნუმიდიის მხარეში ცხოვრობს. იგი აქ ჯერ კიდევ ბავშვობაში ჩაიყვანეს დედამისის, ლუცილას, ბრძანებით. თუმცა, ახალ ფილმში ლუციუსი რომს უკვე გლადიატორად უბრუნდება და დედამისსაც კვლავ ხვდება...

პოლ მესკალის გარდა, ფილმში ასევე თამაშობენ პედრო პასკალი, დენზელ ვაშინგტონი, ჯოზეფ ქვინი და ფრედ ჰექინჯერი.

აი, მესკალი კი ნამდვილად რეჟისორის რჩეული იყო. რიდლი სკოტმა ინტერვიუში აღნიშნა, რომ პოპულარულ სერიალში Normal People მსახიობის შესრულებამ აღაფრთოვანა, მასთან მხოლოდ ნახევარი საათის განმავლობაში საუბრის შემდეგ კი პირდაპირ მთავარი როლი მისცა.

მესკალი და სკოტი გლადიატორი 2-ის გადაღებების დასრულების შემდეგ

ფოტო: DiscussingFilm / X

ისტორიული დრამის ნამდვილი დიდოსტატი, რიდლი სკოტი, ყოველთვის ამბობდა, რომ გლადიატორს გასაგრძელებლად დაუბრუნდებოდა. მით უფრო, რომ ფილმი გამორჩეულად წარმატებული გახდა, როგორც კომერციულად, ასევე კრიტიკოსებისა და მაყურებლის აღიარებით. 2001 წლის ოსკარზე გლადიატორმა ხუთ ნომინაციაში გაიმარჯვა, მათ შორის, საუკეთესო ფილმისა და მთავარი როლის შემსრულებელი საუკეთესო მსახიობი კაცის კატეგორიებში. ამასთან, ფილმმა მსოფლიოში $460 მილიონზე მეტი გამოიმუშავა.

რაც შეეხება გლადიატორი 2-ს, მისი პრემიერა აშშ-ში 22 ნოემბერსაა დაგეგმილი.

ასევე იხილეთ:

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...