უკრაინაში გლოვის დღეა
![](http://joey.on.ge/2024/07/09/2024-07-08t091218z-886743662-rc2xq8aye5gi-rtrmadp-3-ukraine-crisis-attack-kyiv_668cf2363e389.jpeg)
უკრაინაში გლოვის დღეა. 7 ივლისს, უკრაინაში, რუსეთის მიერ განხორციელებულ საჰაერო თავდასხმებს 41 ადამიანი ემსხვერპლა, ხოლო 166 დაშავდა. ვიტალი კლიჩკომ 9 ივლისი, მომხდარის გამო, გლოვის დღედ გამოაცხადა.
უკრაინის პრეზიდენტმა, ვოლოდიმირ ზელენსკიმ თქვა, რომ რუსეთის მიერ გაშვებულმა 40-მა რაკეტამ კიევში, დნიპროზე, კრივი-რიჰიში, სლოვიანსკსა და კრამატორსკში 100-მდე შენობა დააზიანა. მათ შორის არის კიევის ბავშვთა საავადმყოფო, რომელიც კიბოს მკურნალობასა და ორგანოების გადანერგვაზე იყო სპეციალიზებული. დაბომბვის შემდეგ, მცირეწლოვანი პაციენტები შენობიდან გადასხმის სისტემებით გამოიყვანეს და ამ მდგომარეობაში ელოდნენ ევაკუაციას. კლინიკის დაბომბვას 2 ადამიანი ემსხვერპლა, გადარჩენილთა ძებნა კი ნანგრევებში დღეს, სამშაბათ დილამდე გრძელდებოდა.
კიევის მერმა ვიტალი კლიჩკომ განაცხადა, რომ საჰაერო თავდასხმების შედეგად, უკრაინის დედაქალაქში, 16 ადამიანი დაშავდა, მათგან 7 ბავშვია.
რუსეთი კიევის ბავშვთა საავადმყოფოზე თავდასხმას უარყოფს და განაცხადა, რომ საავადმყოფოს უკრაინის საჰაერო თავდაცვის ფრაგმენტები მოხვდა.
თავდასხმები დაგმეს უკრაინის მოკავშირე მსოფლიო ლიდერებმა, მათ შორის, დიდი ბრიტანეთის ახალმა პრემიერ-მინისტრმა, კირ სტარმერმა. ის ამბობს, რომ ახალი ხელისუფლება კიევის მხარდაჭერას გააგრძელებს.
ამერიკის პრეზიდენტმა ჯო ბაიდენმა თავდასხმებს "რუსეთის სისასტიკის საზარელი შეხსენება" უწოდა.
ნატო 9 ივლისს, ვაშინგტონში გამართავს სამიტს, სადაც მთავარი განხილვის საკითხი იქნება პასუხი რუსეთის შეჭრაზე უკრაინაში.
გაეროს ადამიანთა დაცვის მონიტორინგის სამსახურმა განაცხადა, რომ ბოლო თვეების განმავლობაში, უკრაინაში, მშვიდობიან მოსახლეობას შორის მსხვერპლი გაიზარდა.
მათი ანგარიშის მიხედვით, მაისი, ამ მხრივ, ყველაზე რთული თვე იყო.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები