მოკლედ: სპეციალური საგამოძიებო სამსახურის ინფორმაციით, 13 წლის გოგოს პირადი ცხოვრების საიდუმლოს ხელყოფის ფაქტზე, 19 წლის პირი დააკავეს.

  • დანაშაული 7-წლამდე პატიმრობას ითვალისწინებს.

დეტალები: გამოძიებით დადგინდა, რომ 2024 წლის აპრილში, ბრალდებულმა, გამოგონილი სახელით, ფეისბუქზე 13 წლის გოგო გაიცნო.

  • ისინი ყოველდღიურად ვიდეოზარების საშუალებით საუბრობდნენ, რა დროსაც ბრალდებულმა დაშინებით და შანტაჟის გზით, დაზარალებული აიძულა მის წინაშე გაშიშვლებულიყო, წინააღმდეგ შემთხვევაში ოჯახის წევრებისთვის ზიანის მიყენებით დაემუქრა.
  • მაისში, ბრალდებულმა არასრულწლოვანი დაზარალებულის 17 წლის დას და მამინაცვალს 13 წლის გოგოს ინტიმური შინაარსის ვიდეო-ფაილები გადაუგზავნა.
  • ასევე, დაზარალებულის დასაც მოსთხოვა მის წინაშე გაშიშვლება, წინააღმდეგ შემთხვევაში დაზარალებულის ინტიმური ხასიათის ვიდეოჩანაწერების გასაჯაროებით დაემუქრა.
  • უარის მიღების შემდეგ, ბრალდებულმა ფეისბუქზე გამოაქვეყნა დაზარალებულ არასრულწლოვანთან ვიდეოზარებით კომუნიკაციისას გადაღებული ინტიმური შინაარსის ვიდეოჩანაწერები.

სპეციალურ საგამოძიებო სამსახურს, დაზარალებული არასრულწლოვანის დედამ მიმართა.

  • ბრალდებულს აღკვეთის ღონისძიების სახით პატიმრობა შეეფარდა.