მოკლედ: საქართველოს პროკურატურის ინფორმაციით, განსაკუთრებით დიდი ოდენობით ნარკოტიკული საშუალების უკანონო შეძენა, შენახვის და გასაღების ფაქტებზე, თურქეთის რესპუბლიკის მოქალაქეს ბრალდება წარედგინა.

  • ბრალდება 14-დან 20 წლამდე ან უვადო პატიმრობას ითვალისწინებს.

დეტალები: შინაგან საქმეთა სამინისტროს გამოძიებით დადგინდა, რომ ბრალდებულმა უკანონოდ შეიძინა და ინახავდა განსაკუთრებით დიდი ოდენობით ნარკოტიკულ საშუალებებს, რომელიც 2024 წლის 30 მაისს, უკანონოდ გაასაღა.

  • სამართალდამცველებმა ბრალდებული 30 მაისს, ბათუმში დააკავეს.

ბოლო ხაზი: პროკურატურის შუამდგომლობის საფუძველზე, ბათუმის საქალაქო სასამართლომ, ბრალდებულს აღკვეთის ღონისძიების სახით პატიმრობა შეუფარდა.