მოკლედ: დღეს, 23 მაისს, საქართველოს პრეზიდენტი, სალომე ზურაბიშვილი, ორბელიანების სასახლეში, ეუთო/ოდირის დირექტორს, მატეო მეკაჩის შეხვდა.

  • ინფორმაციას პრეზიდენტის ადმინისტრაცია ავრცელებს.

დეტალები: ადმინისტრაციის მიხედვით, შეხვედრაზე მხარეებმა ისაუბრეს სამ საკითხზე:

  • რუსული კანონის მიღებით, საქართველოს ევროინტეგრაციის პროცესზე და დემოკრატიულ განვითარებაზე შესაძლო შედეგებზე;
  • 26 ოქტომბერს დაგეგმილ არჩევნებამდე სტაბილური და მშვიდობიანი გარემოს შენარჩუნების მნიშვნელობაზე;
  • ეუთო/ოდირის მზაობაზე, საქართველოში გრძელვადიანი და მოკლევადიანი სადამკვირვებლო მისია მოავლინოს.

ბოლო ხაზი: ადმინისტრაცია წერს, რომ რუსულ კანონის ვეტოზე საუბრისას, პრეზიდენტმა ხაზგასმით აღნიშნა, რომ იგი ვეტოს დაადებს ყველა იმ კანონს, რომელიც ეწინააღმდეგება საქართველოს ევროინტეგრაციას და დემოკრატიულ განვითარებას.