მოკლედ: შინაგან საქმეთა სამინისტროს ინფორმაციით, გერმანიაში, Airbus Helicopters-ის საწარმოში, სამაშველო ოპერაციებისთვის განკუთვნილი მეორე ახალი ევროპული ტიპის H 145 გადაეცათ.

დეტალები: შსს-ს მიხედვით, ვერტმფრენი აღჭურვილია სამაშველო საშუალებებით და ასევე, გამორჩეულია სიმაღლეზე ოპერირების შესაძლებლობით.

  • ახალი ბორტი სრულად დაკომპლექტებულია ხანძართან ბრძოლისა და სამთო-სამაშველო აღჭურვილობით.
  • ევროპული ტიპის H 145 ვერტმფრენის საქართველოში ტრანსპორტირება ქართული ეკიპაჟის მიერ განხორციელდა, რომლებმაც სრული გადამზადება გერმანიაში, Airbus Helicopters-ის სასწავლო აკადემიაში გაიარეს.

კონტექსტი: 2022 წლის 19 დეკემბერს შინაგან საქმეთა სამინისტროში ხელშეკრულება გაფორმდა ფრანგულ კომპანია Airbus Helicopters-თან სამი H145 ვერტმფრენის შეძენასთან დაკავშირებით.

  • ხელშეკრულებით გათვალისწინებული პირველი ვერტმფრენი საქართველოში წელს, მარტის ბოლოს ჩამოვიდა.
  • მესამე ბორტის გადმოცემა ქართული მხარისთვის, უახლოეს კვირებში, ივნისამდე იგეგმება.

გაიგე მეტი: შსს 26 500 000 ლარად 3 სამაშველო შვეულმფრენს ყიდულობს