შსს 26 500 000 ლარად 3 სამაშველო შვეულმფრენს ყიდულობს
![](http://rachel.on.ge/2022/12/20/Untitled.jpg)
ფოტო: სქრინი ვიდეოდან
ინფორმაციას შინაგან საქმეთა სამინისტრო ავრცელებს.
რატომ არის მნიშვნელოვანი: ყოველ ჯერზე, როცა ქვეყანაში სამაშველო ვერტმფრენების საჭიროება დგება, საზოგადოებასა და ოპოზიციურ ჯგუფებში ჩნდება კითხვები, რამდენად შეესაბამება სამაშველო ვერტმფრენების ხარისხი თანამედროვე მოთხოვნებს და არის თუ არა ისინი ტექნიკურად სათანადოდ გამართული.
- ასევე — რატომ არ იყენებს სახელმწიფო სუპერ პუმას ტიპის თანამედროვე ვერტმფრენებს, რომლებიც წინა ხელისუფლების დროს არის შეძენილი.
- მთავრობა ამბობს, რომ სუპერ პუმა არ არის სამაშველო ოპერაციებისთვის განკუთვნილი და ის წინა ხელისუფლებამ მაღალი თანამდებობის პირების კომფორტისთვის შეიძინა.
დეტალები: შვეულმფრენების შესაძენად ხელშეკრულება ფრანგულ კომპანია Airbus Helicopters-თან გაფორმდა.
- შსს-ს ინფორმაციით, ხელშეკრულების პირობის მიხედვით, "წლების წინ მაღალი თანამდებობის პირებისთვის შესყიდულ AS332 L1e S/N 2833-ის (სუპერ პუმა) შვეულმფრენს" ქართული მხარე მომწოდებელ კომპანიას გადასცემს, რითაც ახალი შვეულმფრენების შესყიდვისთვის სახელმწიფოს გასაწევი ხარჯი 5 500 000 ევროს ოდენობით დაიზოგება.
- როგორც უწყებაში აცხადებენ, შენაძენი სამინისტროს შესაძლებლობებს გააძლიერებს.
ხელშეკრულების თანახმად, ქართულ მხარეს პირველი შვეულმფრენი კონტრაქტის ხელმოწერიდან 17 თვეში გადმოეცემა, ხოლო სამივე საავიაციო ტექნიკა საქართველოში 20 თვემდე პერიოდში იქნება.
- კონტრაქტი ახალი შვეულმფრენების შეძენასთან ერთად, პილოტებისა და ინჟინრების გადამზადებასაც მოიცავს.
H145 მრავალფუნქციური შვეულმფრენია, რომელსაც, შეუძლია, შეასრულოს პოლიციური, სატრანსპორტო, სამძებრო და სამაშველო ფუნქციები.
- ძალოვანი უწყების ცნობით, ახალი შვეულმფრენები სრულად იქნება დაკომპლექტებული ხანძართან ბრძოლისა და სამთო-სამაშველო აღჭურვილობით.
- "მათ გააჩნიათ 2 ძრავა, რაც ზრდის ფრენის უსაფრთხოებას. ამ ტიპის შვეულმფრენი მაღალ სიმაღლეზე ოპერირებისა და მანევრის შესაძლებლობებით გამოირჩევა, რაც, საქართველოს მაღალმთიანი რელიეფის გათვალისწინებით, არსებულ ამოცანებთან სრულად თავსებადი იქნება", — ნათქვამია განცხადებაში.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები