მოკლედ: შინაგან საქმეთა სამინისტროს ინფორმაციით, ოჯახის წევრის მიმართ დამამძიმებელ გარემოებებში ჩადენილი განზრახ მკვლელობის მცდელობის ბრალდებით, 66 წლის პირი დააკავეს.

  • დანაშაული 16-დან 20 წლამდე პატიმრობას ითვალისწინებს.

დეტალები: გამოძიებით დადგინდა, რომ დღეს, 23 მაისს, მარტვილის მუნიციპალიტეტში, ბრალდებულმა, ურთიერთშელაპარაკების ნიადაგზე 30 წლის შვილს, თოფიდან გასროლით სახისა და ზურგის არეში დაზიანებები მიაყენა.

  • დაჭრილი სამედიცინო დაწესებულებებში გადაიყვანეს.
  • პოლიციამ ბრალდებული ცხელ კვალზე დააკავა.
  • სამართალდამცველებმა დანაშაულის ჩადენის იარაღი ნივთმტკიცებად ამოიღეს.