ტელეკომპანია რუსთავი 2-ის შენობის დაახლოებით 40 მ2 დამწვარია, თუმცა ხანძარი უკვე ლოკალიზებულია. ამის შესახებ ინფორმაცია On.ge-ს საგანაგებო სიტუაციების მართვის სამსახურში განუცხადეს.

მათი ინფორმაციით, ამ ეტაპზე ხანძრის გავრცელების საშიშროება არ არსებობს. როგორც უწყებაში განმარტავენ ადგილზე გამოძახების შემდეგ 6 სახანძრო ავტომობილი მივიდა.

როგორც რუსთავი 2-ის საინფორმაციო სამსახურის უფროსი ამბობს, დამწვარია შენობის ის ნაწილი, საიდანაც ტოქშოუები გადის ეთერში.

ადევნეთ On.ge-ს პირდაპირ ეთერს ტელეკომპანია რუსთავი 2-ის ეზოდან.

ტელეკომპანიაში ხანძრის გაჩენის შესახებ ინფორმაცია არხის გენერალურმა დირექტორმა, ნიკა გვარამიამ ფეისბუკის საშუალებით გაავრცელა.