მოკლედ: ლაზარე გრიგორიადისი, რომელიც 14 მაისს, რუსული კანონის საპროტესტო აქციაზე დააკავეს, თავისუფალია.

  • "მოულოდნელად დამაკავეს სრულიად, საერთოდ ვერ მივხვდით რაზე დაგვაკავეს. გზაში გვირტყამდნენ, გვცემდნენ, გვაგინებდნენ, გვიღებდნენ ამავდროულად", — თქვა ლაზარემ ტვ პირველთან.

დეტალები: 14 მაისს, ლაზარე გრიგორიადისის ადვოკატმა, ეკა ქობესაშვილმა On.ge-ის უთხრა, რომ ლაზარე დაკავებული იყო ადმინისტრაციული წესით — წვრილმანი ხულიგნობა და პოლიციისთვის დაუმორჩილებლობა.

  • ადვოკატმა On.ge-ის უთხრა, რომ დაკავების დროს, პოლიციის მხრიდან ადგილი ჰქონდა ფიზიკურ ანგარიშსწორებას და ლაზარეს სახისა და თავის არეში აქვს დაზიანებები.
  • "ხელბორკილების მოჭერის შედეგად, ხელები აქვს დაზიანებული. სხეულის სხვადასხვა არეში ტკივილები აქვს. დაკავებისას, ცემის დროს, რაღაც მომენტში, გონება დაკარგა".

მსგავსი: დაკავებულ ლაზარე გრიგორიადისს დაზიანებები აქვს სახისა და თავის არეში — ადვოკატი

15 მაისს, სახალხო დამცველის რწმუნებულებმა 14 მაისს, ადმინისტრაციული წესით დაკავებული 16 პირი მოინახულა, მათ შორის ლაზარე გრიგორიადისი.

  • მათი განცხადების მიხედვით, დაკავებულთაგან სამი პოლიციის მხრიდან არასათანადო მოპყრობასა და ძალის გადამეტებაზე მიუთითებდა, მათ შორის ლაზარე გრიგორიადისი, რომელსაც ვიზუალურად აღენიშნებოდა ნაკაწრები, სიწითლე და შეშუპება.

გაიგე მეტი: პოლიციის მხრიდან, კვლავ დაფიქსირდა მოქალაქეთა მიმართ რამდენიმე არასათანადო მოპყრობის ფაქტი — სახალხო დამცველი