მოვუწოდებთ სპეციალური დანიშნულების რაზმის თანამშრომლებს, არ შეასრულონ უკანონო ბრძანებები — საია
![ხალხი რუსული კანონის წინააღმდეგ. 2024 წლის 16 აპრილი](http://chandler.on.ge/2024/05/10/WhatsApp_Image_2024-04-17_at_12.36.45_AM.jpeg)
ფოტო: მაიკო გაგუა / On.ge
მოკლედ: საქართველოს ახალგაზრდა იურისტთა ასოციაცია აცხადებს, რომ შინაგან საქმეთა სამინისტრო აგრძელებს შეკრებისა და მანიფესტაციის უფლების დარღვევის და მშვიდობიანი დემონსტრანტების მიმართ, არასათანადო მოპყრობის პრაქტიკას.
დეტალები: საია აღნიშნავს, რომ რუსული კანონის საპროტესტო აქცია, მთელი დღის განმავლობაში, მშვიდობიანი ხასიათის იყო: "მიუხედავად ამისა, საპოლიციო ძალებმა ყოველგვარი სამართლებრივი საფუძვლის გარეშე დაიწყეს აქციის დარბევა ძალადობრივი მეთოდებით, მათ შორის, სპეციალური საშუალებების გამოყენების წესის დარღვევით", — წერს ორგანიზაცია განცხადებაში.
საია მოუწოდებს:
- შინაგან საქმეთა სამინისტროს — ხელი აიღოს აქციების დარბევის კანონსაწინააღმდეგო, ღირსების შემლახავ და ძალადობრივ პრაქტიკაზე.
- "შევახსენებთ [შსს-ს], რომ ლოკალური ხასიათის ინციდენტებზე რეაგირებამ არსებითი გავლენა არ უნდა მოახდინოს მთლიანი აქციის მიმდინარეობაზე".
- სპეციალური დანიშნულების რაზმის თანამშრომლებს — არ შეასრულონ უკანონო ბრძანებები: "შევახსენებთ მათ, რომ წინასწარი შეცნობით დანაშაულებრივი ბრძანების ან განკარგულებების შესრულება წარმოადგენს სისხლისსამართლებრივი პასუხისმგებლობის საფუძველს".
კონტექსტი: რუსული კანონის საბოლოოდ მიღების შემდეგ, ხელისუფლებამ სპეცრაზმის გამოყენებით, პარლამენტის მიმდებარე ტერიტორია, მათ შორის, რუსთაველის გამზირის ნაწილი, აქციის მონაწილეებისგან ძალის გამოყენებით გაწმინდა.
- გამოიყენეს წიწაკის სპრეიც.
- ამ დროისთვის პოლიციამ რუსთაველის გამზირი დატოვა.
გაიგე მეტი: თავისუფლების მოედანზე განლაგებული პოლიციის კორდონი მოქალაქეებს მეტროში არ უშვებს
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები