რა ხდება: სარეკლამო კომპანია "ლიმონის" ხელმძღვანელი, გიორგი ოკმელაშვილი დაკავებულია.

  • ინფორმაციას შსს ავრცელებს.

დეტალები: სამინისტროს ცნობით, ოკმელაშვილმა 13 მაისს, თბილისში, პარლამენტის მიმდებარე ტერიტორიაზე გამართულ საპროტესტო აქციაზე, ფიზიკური შეურაცხყოფა მიაყენა შინაგან საქმეთა სამინისტროს თანამშრომლებს.

  • "კერძოდ, აქციის მიმდინარეობისას, დაკავებულმა იდაყვისა და მუშტის დარტყმით პოლიციის თანამშრომლებს სახის არეში დაზიანებები მიაყენა. ჩატარებული საგამოძიებო მოქმედებების შედეგად, ოკმელაშვილი სამართალდამცველებმა თბილისში დააკავეს", — წერია შსს-ს განცხადებაში.
  • გამოძიება მიმდინარეობს სისხლის სამართლის კოდექსის 353-ე პრიმა მუხლის პირველი ნაწილით, რაც სამსახურებრივი საქმიანობის შესრულების დროს პოლიციელზე თავდასხმას გულისხმობს.
  • ოკმელაშვილს 7 წლამდე პატიმრობა ელის.

ამ თემაზე: სარეკლამო კომპანია "ლიმონში" პოლიცაა შესული, მიმდინარეობს ჩხრეკა