რა ხდება: აქტივისტ დავით ქაცარავას, რომელსაც დაკავებისას პოლიცია ფიზიკურად გაუსწორდა, სახის ძვლების მოტეხილობა აქვს.

  • ამის შესახებ მისმა ექიმმა მედიასთან ისაუბრა.

დეტალები: ექიმის თქმით, ქაცარავა კლინიკაში სასწრაფო დახმარების ბრიგადამ შეიყვანა.

  • მას ჩაუტარდა კვლევები, კომპიუტერული ტომოგრაფია და დადგინდა ყვრიმალისა და ზედა ყბის ძვლების მოტეხილობა, ჩაუტარდა ოპერაცია.
  • ექიმის თქმით, ქაცარავას თვალი დაზიანებული აქვს, თუმცა მხედველობა არ დაუკარგავს.
  • ნაცემი აქტივისტი სტაციონარში 2-3 დღის განმავლობაში დარჩება.

ბოლო ხაზი: დავით ქაცარავა სპეცრაზმმა დღეს, პარლამენტთან დააკავა, რუსული კანონის მიღების შემდეგ.