რა ხდება: პარლამენტის მიმდებარედ, გარე პერიმეტრზე სპეცრაზმი და კრიმინალური პოლიცია აღარ დგას.

დეტალები: მათ, ცოტა ხნის წინ, ინგოროყვას ქუჩისკენ გადაინაცვლეს, სახელმწიფო დაცვის სპეციალური სამსახურის ტერიტორიაზე.

  • ისინი აქციის მონაწილეებმა გააცილეს შეძახილებით: "ჩვენია ეს ქვეყანა", "დემენტორებო!"
  • ასევე, დიდი რაოდენობით სპეცრაზმელები არიან მობილიზებული პარლამენტის შენობაშიც, სადაც, 17 საათიდან უსაფრთხოების წითელი დონე მოქმედებს.

პარლამენტის ტერიტორიას, ეტაპობრივად, აქციის მონაწილეები იკავებენ.

ისინი საზოგადოებას მოუწოდებენ, მათ შეუერთდნენ.

ბოლო ხაზი: პარლამენტმა რუსული კანონი დღეს მესამე მოსმენით მიიღო.

  • სალომე ზურაბიშვილი მას ვეტოს დაადებს.
  • თუმცა, ეს ფორმალური ნაბიჯი იქნება, რადგან ქართულ ოცნებას ვეტოს დაძლევის რესურსი აქვს.