მოკლედ: საქართველოს სახალხო დამცველი, ლევან იოსელიანი აცხადებს, რომ რუსთაველის გამზირზე, ცალკეული მონაწილეების მიერ მშვიდობიანი შეკრების წესების დარღვევისას, მათზე განხორციელებული ინდივიდუალური ღონისძიებების შემდეგ, აქციის მთლიანად დაშლის აუცილებლობა აღარ არის საჭირო.

  • სახალხო დამცველი მოუწოდებს შინაგან საქმეთა სამინისტროს, არ გამოიყენოს აქციის მშვიდობიანი მონაწილეების მიმართ სპეციალური საშუალებები და მიეცეთ მათ კონსტიტუციით გარანტირებული შეკრების უფლებით სარგებლობა.

კონტექსტი: სპეცრაზმმა პარლამენტის მიმდებარე ტერიტორია — მათ შორის, რუსთაველის გამზირის ნაწილი, აქციის მონაწილეებისგან ძალის გამოყენებით გაწმინდა. გამოიყენეს წიწაკის სპრეიც.

  • პოლიციამ დაკეტა მეტროსადგური თავისუფლების მოედანი.
  • აქციის მონაწილეები დაშლას არ აპირებენ. ისინი პარლამენტის მიერ რუსული კანონის დამტკიცებას აპროტესტებენ.