რა ხდება: სპეცრაზმმა პარლამენტის მიმდებარე ტერიტორია — მათ შორის, რუსთაველის გამზირის ნაწილი, აქციის მონაწილეებისგან ძალის გამოყენებით გაწმინდა.

  • გამოიყენეს წიწაკის სპრეიც.

დეტალები: ამ დროისთვის, აქციის მონაწილეები და მედიის წარმომადგენლები პირველი სკოლის და ქაშვეთის მიმდებარედ იმყოფებიან.

  • პარლამენტამდე მისვლის საშუალება მათ აღარ აქვთ.
  • პარალელურად, დააკავეს აქციის მონაწილეები, ვრცელდება ინფორმაცია აქტივისტის — დავით ქაცარავას დაკავების შესახებ.
  • ცოტა ხნის წინ აქციაზე დააკავეს ლაზარე გრიგორიადისიც.

ბოლო ხაზი: აქციის მონაწილეები დაშლას არ აპირებენ. ისინი პარლამენტის მიერ რუსული კანონის მესამედ მიღებას აპროტესტებენ.