რა ხდება: კავკასიის უნივერსიტეტს ლექტორები ტოვებენ.

  • ამჯერად, სამსახურიდან წამოსვლის შესახებ განცხადება გაავრცელა ლევან ბერძენიშვილმაც.

დეტალები: "ჩემთვის აბსოლუტურად მიუღებელია კავკასიის უნივერსიტეტის პრეზიდენტის პოზიცია, შესაბამისად, ვტოვებ ამ დაწესებულებას და უსაყვარლეს სტუდენტებს", — წერს ბერძენიშვილი.

უნივერსიტეტიდან წასვლის შესახებ უკვე განაცხადეს ნიკო ნერგაძემ და დავით ქაშიაშვილმა.

  • მანამდე კი ცნობილი გახდა, რომ რექტორმა გაათავისუფლა კავკასიის უნივერსიტეტის ეკონომიკის სკოლის დეკანი, სოსო ბერიკაშვილი — ბერიკაშვილის თქმით, სუსის დავალებით.
  • ასევე, კავკასიის უნივერსიტეტი შეუერთდა განცხადებას, სადაც 38 უმაღლესი სასწავლებელი აცხადებს, რომ "ნებისმიერი პოლიტიკური პროცესი აკადემიური სივრცის მიღმა უნდა დარჩეს".

კონტექსტი: რუსული კანონის წინააღმდეგ პროტესტს სულ უფრო მეტი სტუდენტი და ლექტორი უერთდება.

  • ამ დროისთვის, გაფიცულია 30-ზე მეტი უნივერსიტეტის სტუდენტების ნაწილი.
  • საპროტესტო აქციებზე მათთან ერთად დგანან ლექტორებიც.