რა ხდება: შინაგან საქმეთა სამინისტრო განმარტავს, რატომ დაუპირისპირდნენ სამართალდამცველები წუხელ მოქალაქეს, ლეონიძის ქუჩაზე.

დეტალები: სამინისტრო განცხადებაში წერს, რომ განსაკუთრებულ დავალებათა დეპარტამენტის ავტობუსი, ოპერატიული დავალების მიზნით, სპეციალური შუქურის გამოყენებით გადაადგილდებოდა გზის სავალ ნაწილზე.

  • მათივე ინფორმაციით, ერთ-ერთმა მძღოლმა, რომელიც, შსს-ს ვერსიით, ნასვამი იყო, ავტობუსს ხელი შეუშალა გადაადგილებაში.
  • "მიუხედავად იმის რომ ავტობუსი შეეცადა გადაადგილების მიზნით გვერდი აევლო აღნიშნული სატრანსპორტო საშუალებისთვის, მძღოლმა და მისმა თანმხლებმა პირებმა არ მისცეს ავტობუსს აღნიშნულის საშუალება, რასაც მოჰყვა მათსა და სამართალდამცველებს შორის დაპირისპირება", — წერია უწყების განცხადებაში.

საქმე, შემდგომი მოკვლევის მიზნით, გადაგზავნილია სპეციალურ საგამოძიებო სამსახურში.

  • ამ უწყებაში ამბობენ, რომ სამართალდამცავების მხრიდან მოქალაქის მიმართ განხორციელებული ძალადობის ფაქტზე სისხლის სამართლის მუხლით დაიწყო გამოძიება (333-ე მუხლის მესამე ნაწილის „ბ“ ქვეპუნქტით).