რა ხდება: ნაციონალური მოძრაობა და სტრატეგია აღმაშენებელი მიმართავენ ქართულ ოცნებას, პროვოკაციებისა და სხვა გართულებების თავიდან აცილების მიზნით, აუცილებელია ხვალინდელი საკომიტეტო მოსმენის გადადება.

  • "ჩვენ მზად ვართ, სხვა ნებისმიერ დღესაც დავესწროთ კომიტეტის სხდომას", — წერია მათ განცხადებაში.

დეტალები: პარტიები აღნიშნავენ, რომ ხვალ, 29 აპრილს საკომიტეტო მოსმენის დანიშვნა არის პროვოკაცია ხელისუფლების მხრიდან, განსაკუთრებით, იმ ფონზე, რომ, როგორც განცხადებაში წერია — თვითონ ქართულ ოცნებას იძულებით ჩამოჰყავს საჯარო მოხელეები და დაანონსებული აქვთ კონტრაქცია.

  • "თუ ხელისუფლება არ გაითვალისწინებს ამ გონივრულ რჩევას და არ გადადებს საკომიტეტო მოსმენას, ყველა გართულებაზე და მის შედეგზე პასუხისმგებლობა დაეკისრება ქართულ ოცნებას", — ნათქვამია განცხადებაში

კონტექსტი: ხვალ ქართული ოცნება რუსული კანონის საწინააღმდეგო აქციის კონტრაქციას გეგმავს.

  • რუსთაველის გამზირზე, პარლამენტის წინ, უკვე დამონტაჟებულია სცენა.
  • რუსული კანონის საკომიტეტო განხილვა, მეორე მოსმენით, ხვალ იგეგმება — სხდომა დილის 9 საათზე იწყება
  • ამ წუთებში კი, რესპუბლიკის მოედანზე, რუსული კანონის გასაპროტესტებლად, აქცია მიმდინარეობს.