რა ხდება: აქციის მონაწილეები მოითხოვენ, ქართული ოცნების ლიდერებმა დღესვე გაიწვიონ უკან რუსული კანონი.

  • სცენიდან რატი ამაღლობელის ამ მოწოდებას, პარლამენტთან შეკრებილი ადამიანების ოვაციები მოჰყვა.

დეტალები: "გააკეთონ პოლიტიკური განცხადება დღესვე, როგორც მაშინ, ერთი წლის წინ, როდესაც ახალგაზრდების თმებზე საუბრობდნენ, ჩამოვარდნილ თმებზე. ყველას თმა დათვლილია, როგორც სახარება გვეუბნება. დიახ, თქვენ იმყოფებით ქართველი ხალხის ნების წნეხის ქვეშ, გაიტანეთ ეს რუსული კანონი, გააკეთეთ განცხადება!" — თქვა ამაღლობელმა.

  • მან, ასევე, აღნიშნა, რომ მმართველი პარტიის განცხადებას უახლოესი 1 საათის განმავლობაში ელიან.

"თქვენი გულის იმედი არ გვაქვს, თქვენი თვითგადარჩენის ინსტინქტის იმედი გვაქვს მხოლოდ", — თქვა ამაღლობელმა.

ბოლო ხაზი: პარლამენტის წინ მრავალრიცხოვანი საპროტესტო აქცია მიმდინარეობს.

  • შინაგან საქმეთა სამინისტრომ გასულ ღამეს მშვიდობიანი პროტესტის მშვიდობიანი მოქალაქეები დაარბია და აქციის მონაწილეთა განცხადებებით, მათ წინააღმდეგ არაპროპორციული ძალა გამოიყენა, ამას მოწმობს ადგილიდან გავრცელებული არაერთი ვიდეოკადრიც.
  • სპეცრაზმმა სცემა ჟურნალისტებსაც.
  • ამ ფონზე, საქართველოს პარლამენტმა კანონპროექტს პირველი მოსმენით მხარი დღეს დაუჭირა.