მოკლედ: რუსთაველის გამზირზე, საქართველოს პარლამენტის მიმდებარე ტერიტორიაზე საპოლიციო ძალებმა ცრემლსადენი გაზი და სავარაუდოდ, წიწაკის სპრეიც გამოიყენეს.

  • ადგილზე მობილიზებული სასწრაფო დახმარებოს ბრიგადები დახმარებას უწევენ მოქალაქეებს.

ფოტო: ვაჟა ფანჯაკიძე / On.ge

ფოტო: ვაჟა ფანჯაკიძე / On.ge

  • ხელისუფლებას ამ დროისათვის აქციის მონაწილეთა წინააღმდეგ წყლის ჭავლი ჯერ არ გამოუყენებია.

  • მოქალაქეები ადგილიდან იტყობინებიან აქციის მონაწილეთა დაკავების შესახებაც.

ამას წინ უძღოდა შინაგან საქმეთა სამინისტროს მიერ გავრცელებული განცხადება, რომელშიც აღნიშნული იყო, რომ "იმ შემთხვევაში თუ აქციის მონაწილეები არ დაემორჩილებიან პოლიციელების კანონიერ მოთხოვნას, გასცდებიან გამოხატვის თავისუფლებისა და მშვიდობიანი შეკრების კანონით დადგენილ ნორმებს, სამართალდამცველები წესრიგის დაცვის მიზნით, კანონით გათვალისწინებულ სპეციალურ საშუალებებს გამოიყენებენ."

გასული, 2023 წლის მარტში, ანალოგიური კანონპროექტის ინიციირებას ხალხი პარლამენტის წინ აპროტესტებდა, სამართალდამცავებმა კი ისინი რამდენჯერმე დაშალეს წყლის ჭავლის, წიწაკის სპრეისა და ცრემლსადენი გაზის გამოყენებით.
შემდეგ კი, მძლავრი საზოგადოებრივი წინააღმდეგობის ფაქტორის გამო, მმართველმა პარტიამ კანონპროექტი ჩააგდო.

გაიგე მეტი NEWS.On.ge-ს ფეისბუქზე — ახალი ამბები, ფოტოები, ქარდები, ვიდეოები