რა ხდება: ნაცემია პარტია მოქალაქეების ლიდერი, ალეკო ელისაშვილი. მას თავს დაესხნენ ქართული ოცნების დეპუტატები მას შემდეგ, რაც ელისაშვილმა საპარლამენტო უმრავლესობის ლიდერს, მამუკა მდინარაძეს დაარტყა. დეპუტატები მას ჯგუფურად ფიზიკურად გაუსწორდნენ.

დეტალები: On.ge ვერ ახერხებს დეპუტატთან დაკავშირებას, თუმცა, ვესაუბრეთ პარტიის პრესსამსახურს.

  • "რამდენიმე ადამიანი ურტყამდა, ზოგი თავში, ზოგი ფეხებში", — განგვიცხადეს მათ. პრესსამსახურის თანახმად, ალეკო ელისაშვილზე თავდასხმაში ქართული ოცნების დეპუტატები მონაწილეობდნენ.
  • ამ დროისათვის ელისაშვილი პარლამენტის შენობაში არ იმყოფება.
  • პრესსამსახურის თქმით, ის მანდატურებმა და შინაგან საქმეთა სამინისტროს წარმომადგენლებმა ძალის გამოყენებით გაიყვანეს პარლამენტის შენობიდან.

დღეს პარლამენტში, იურიდიულ საკითხთა კომიტეტის სხდომაზე, სადაც რუსულ კანონს განიხილავდნენ, ფიზიკური დაპირისპირება მოხდა.

  • კანონპროექტის წარმდგენს, მამუკა მდინარაძეს, მოქალაქეების ლიდერი, ალეკო ელისაშვილი ჯერ სიტყვიერად, შემდეგ კი — ფიზიკურად დაუპირისპირდა.
  • ამის შემდეგ, დაპირისპირება სხვა დეპუტატებს შორის გაგრძელდა.
  • ინციდენტის დაწყებისთანავე, პარლამენტის პირდაპირი ტრანსლაცია შეწყდა.

ასევე, წაშლილია პარლამენტის Youtube არხზე ტრანსლაციის ვიდეოჩანაწერი.