მოკლედ: შინაგან საქმეთა სამინისტროს ინფორმაციით, დააკავეს 2001 წელს დაბადებული პირი, რომელმაც სილქნეტის კომპიუტერულ სისტემაზე კიბერშეტევა განახორციელა.

დეტალები: გამოძიებით დადგინდა, რომ ბრალდებული, კომპიუტერულ სისტემაში უნებართვო შეღწევით, დაეუფლა სილქნეტის 5000-მდე მომხმარებლის პირადობის დამადასტურებელი მოწმობის ციფრულ ასლს და მათ ინტერნეტ სივრცეში რეალიზაციას არალეგალური გზით ცდილობდა.

  • გამოძიება, კომპიუტერულ სისტემაში უნებართვო შეღწევის ფაქტზე, საქართველოს სისხლის სამართლის კოდექსის 284-ე მუხლის მე-3 ნაწილით მიმდინარეობს.
  • დანაშაული 6 წლამდე ვადით პატიმრობას ითვალისწინებს.

წინაისტორია: ინფორმაცია, რომ კომპანია სილქნეტის მომხმარებელთა პირადმა ინფორმაციამ გაჟონა, 19 მარტს გავრცელდა.

  • კომპანიამ განაცხადა, რომ მომხმარებელთა "მცირე ჯგუფის", დაახლოებით 2000-მდე ადამიანის მონაცემების უნებართვო წვდომისა და გამჟღავნების შესაძლო ფაქტთან დაკავშირებით, "რეაგირება მიმდინარეობდა".
  • სილქნეტის განცხადება იხილეთ აქ