მოკლედ: რუსული საინფორმაციო ტელეგრამ არხის, BAZA-ს ცნობით, მოსკოვში მომხდარ ტერაქტში მონაწილეობის ბრალდებით ერთ-ერთი დაკავებული 19 წლის მუხამადსობირ ფაიზოვია.

  • ის ტაჯიკეთიდან, დუშანბედან არის.

დეტალები: BAZA წერს, რომ კაცმა დაზიანება მიიღო თავის არეში.

  • დაჭრილი ბრიანსკის საავადმყოფოში მოათავსეს.
  • მუხამადსობირს გაუკეთდა ოპერაცია და რეანიმაციულ განყოფილებაში გადაიყვანეს, თუმცა მალევე ის საავადმყოფოდან სპეცსამსახურებმა წაიყვანეს.

კრემლის ინფორმაციით, ტერაქტთან დაკავშირებით, სულ 11 პირი დააკავეს, მათგან ოთხი — მონაწილეობის ბრალდებით.

რა ვიცით ტერაქტზე: თავდასხმა საკონცერტო დარბაზში გუშინ, 22 მარტს მოხდა.

  • კონცერტის დაწყებისას პარტერში შეიარაღებული პირები შეიჭრნენ და ცეცხლი გახსნეს.
  • შემდეგ კი ისროლეს ყუმბარები.
  • ამ დროის მონაცემებით, დაიღუპა, სულ მცირე, 93 ადამიანი, დაშავდა 115.
  • შენობაში გაჩენილი ხანძრის ლოკალიზებას მეხანძრეები მთელი ღამის განმავლობაში ცდილობდნენ.
  • მომხდარზე პასუხისმგებლობა ისლამურმა სახელმწიფომ აიღო.

ვრცლად: ვინ დგას ტერაქტის უკან მოსკოვში — დეტალები