მოკლედ: ვლადიმირ პუტინმა, რომელმაც, რუსეთის ცენტრალური საარჩევნო კომისიის ინფორმაციით, მოსახლეობის ხმების 87% მიიღო, ტერაქტისას დაშავებულებს გამოჯანმრთელება ვიცე-პრემიერის, ტატიანა გოლივკას დახმარებით უსურვა.

დეტალები: პუტინის გამოსვლა დააანონსა სამთავრობო პროპაგანდისტულმა რია ნოვოსტიმ, თუმცა მოგვიანებით, ანონსი წაშალეს და განაცხადეს, რომ ტექნიკური შეცდომა იყო.

  • კრემლის ცნობით, პუტინი ესაუბრა მოსკოვის რეგიონის გუბერნატორს ვორობიოვს, ვიცე-პრემიერ გოლიკოვას და ჯანდაცვის მინისტრ მურაშკოს.
  • მათ ისაუბრეს დაზარალებულთა დახმარების გაწევის ღონისძიებებზე.
  • პუტინი ასევე ესაუბრა ეფ-ეს-ბეს, შინაგან საქმეთა სამინისტროს, საგამოძიებო კომიტეტისა და რუსეთის გვარდიის ხელმძღვანელებს.
  • თუმცა, BBC-ს რუსულენოვანი ბიუროს ინფორმაციით, მოსახლეობას ის არ მიმართავს.

ასევე, ნახეთ: გზა ვირთხებით სავსე "კომუნალკიდან" მეხუთე ვადით რუსეთის პრეზიდენტობამდე — რა ვიცით პუტინის ცხოვრების შესახებ

ბოლო ხაზი: გუშინ, 22 მარტს, მოსკოვში, საკონცერტო დარბაზ კროკუს სითი ჰოლში, სადაც ჯგუფ პიკნიკის კონცერტი მიმდინარეობდა, შეიარაღებულმა პირებმა ცეცხლი გახსნეს, შემდეგ კი ყუმბარები ისროლეს.

  • შედეგად შენობაში ძლიერი ხანძარი გაჩნდა.
  • ამ დროის ინფორმაციით, ტერაქტის შედეგად 60 ადამიანი დაიღუპა, მათ შორის არის 3 ბავშვი.
    დაშავდა 115 ადამიანი.
  • ტერაქტზე პასუხისმგებლობა ისლამურმა სახელმწიფომ (ISIS) აიღო.

ასევე, ნახეთ: ვინ დგას ტერაქტის უკან მოსკოვში, რომლის შედეგადაც, სულ მცირე, 60 ადამიანი დაიღუპა — დეტალები