რა ხდება: საქართველოს პრეზიდენტმა, სალომე ზურაბიშვილმა მადლობა გადაუხადა ყველას, ვინც გუშინ, 18 მარტს მას დაბადების დღე მიულოცა.

დეტალები: პრეზიდენტი, ინსტაგრამზე გამოქვეყნებულ სთორიში ამბობს:

  • "დიდი მადლობა მინდა მოგახსენოთ ამდენი მოლოცვისთვის, ამდენი სითბოსთვის, ამდენი კეთილი სურვილისთვის.
  • მინდა, ასევე, გითხრათ, რომ მე ვარ დღეს ძალიან ბედნიერი იმითიც, რომ ვარ დაბადებული 18 მარტს და არა 5 მარტს, თორემ ვიღაც-ვიღაცები კიდევ რაღაცას დამაბრალებდნენ, ალბათ."

კონტექსტი: სალომე ზურაბიშვილმა ვეტო დაადო საარჩევნო კოდექსში მიღებული ცვლილებებს, მის მოტივირებულ შენიშვნებს პარლამენტის იურიდიულ საკითხთა კომიტეტმა მხარი არ დაუჭირა.

კომიტეტის თავმჯდომარემ, ანრი ოხანაშვილმა გუშინ, 18 მარტს თქვა:

"ეს არის მე-5 ვეტო, რაც პრეზიდენტმა გამოიყენა. ეს მეხუთე რას ნიშნავს და ვისთან ასოცირდება, ჩვენმა საზოგადოებამ ძალიან კარგად იცის."