რა ხდება: ქალმა ყოფილი მულის ინტიმური ფოტოები და ვიდეოები მის ნათესავებს გაუგზავნა.

  • ინფორმაციას სპეციალური საგამოძიებო სამსახური ავრცელებს.

დეტალები: უწყების ინფორმაციით, 2000 წელს დაბადებულმა ქალმა ინსტაგრამზე ყალბი პროფილი შექმნა, რომლითაც ყოფილ მულს გაეცნო და მისი ნდობა მოიპოვა.

  • ქალმა, ყალბი პროფილით მოსარგებლე პირს, შიშველი სხეულის ამსახველი ფოტოები და ვიდეოები გადაუგზავნა.
  • ბრალდებულმა, ამ გზით, მოტყუებით, უკანონოდ მოიპოვა და შეინახა დაზარალებულის პირადი ცხოვრების საიდუმლოს ამსახველი ფოტო-ვიდეო მასალა, რომლებიც, სახელის გატეხის მიზნით, დაზარალებულის ნათესავებთან გაავრცელა.
  • ქალის პირადი ჩხრეკისას, მობილურ ტელეფონიდან ამოიღეს დაზარალებულის შიშველი სხეულის ამსახველი ფოტო-ვიდეო მასალა.
  • დანაშაულში მხილებულ ქალს ბრალდება პირადი ცხოვრების საიდუმლოს ხელყოფის ფაქტზე წარედგინა.
  • დანაშაული 7 წლამდე თავისუფლების აღკვეთას ითვალისწინებს.