საქართველოს ბანკი ერთგულ მომხმარებლებს მრავალი წელია, ინოვაციების დანერგვით ყოველდღიურობას უმარტივებს და დროს უზოგავს. ინდივიდუალურ მომხმარებლებთან ერთად, ტექნოლოგიურ სიახლეებს მუდმივად სთავაზობს ბიზნესებსაც, რაც თვალსაჩინოდ ჩანს ბიზნეს მობილბანკსა და ბიზნეს ინტერნეტბანკში.

ბიზნესში ყველამ იცის, რამდენად ძვირფასია დრო. ისიც ცნობილია, როგორ გაამარტივა საქართველოს ბანკმა ბიზნესმომხმარებლების ყოველდღიური საქმე — თუ მანამდე მარტივ პროცესებში დრო იხარჯებოდა, ახლა კონკრეტული ტრანზაქციების შესრულება სახლიდან თუ ოფისიდან გაუსვლელად, რამდენიმე წუთშია შესაძლებელი. მრავალფეროვანი სიახლეების მიღება ბანკის მომხმარებელს ყველა პლატფორმაზე შეუძლია, ამ ბლოგში კი მოგიყვებით, კიდევ რა სიახლეები შეემატა თებერვალში ბიზნეს მობილბანკსა და ბიზნეს ინტერნეტბანკს.

და რადგან ვთანხმდებით, რომ დრო მნიშვნელოვანია, სწრაფად გადავავლოთ თვალი:

ბიზნეს ნაკრები

ეს ახალი პროდუქტია საქართველოს ბანკის ბიზნეს მომხმარებლებისთვის და ყველა იმ სერვისს აერთიანებს, რომელიც ბიზნესს დროის დაზოგვისა და ოპერაციების ეფექტიანად შესრულებისთვის სჭირდება. ბიზნესს საშუალება აქვს, აირჩიოს ის კონკრეტული ნაკრები (სასტარტო ბიზნეს ნაკრები, ნაკრები S, ნაკრები M ან ნაკრები L), რომელიც ყველაზე კარგად პასუხობს მის საჭიროებებს. თითოეული ნაკრები სხვადასხვა ზომის ბიზნესს მრავალფეროვან უპირატესობას სთავაზობს, მათ შორისაა თანხის განაღდების გაზრდილი ლიმიტები, ფიქსირებული საკომისიოები, შეთავაზებები პროცესების ოპტიმიზაციისთვის და სხვა.

თუ რას მოიცავს თითოეული ნაკრები, დეტალურად შეგიძლიათ ნახოთ საქართველოს ბანკის ვებგვერდზე.

სატენდერო გარანტიები ბიზნეს ინტერნეტბანკში

ეს პროდუქტი ტენდერებში მონაწილეობით დაინტერესებულ ბიზნესს მეტი მოქნილობისა და ოპერაციების გამარტივების შესაძლებლობას აძლევს. ბიზნესის ყველაზე აქტიური მხარდამჭერი ბანკი 15 000 ლარამდე სატენდერო გარანტიებს განსაკუთრებული პირობებით გასცემს: სრულად ციფრულად, უზრუნველყოფის გარეშე და ავტომატური დამტკიცების შესაძლებლობით.

ამგვარად, თუ აქამდე ტენდერში მონაწილეობის მიზნით, სატენდერო გარანტიისთვის ბანკში ვიზიტი იყო საჭირო, ახლა ამის გაკეთება ძალიან მარტივად, ბიზნეს ინტერნეტბანკითაა შესაძლებელი, გარანტიას კი განაცხადის დაფიქსირებიდან 1 საათში მიიღებთ.

საკრედიტო ინფორმაციაზე თანხმობა

მესამე სიახლე საკრედიტო ინფორმაციაზე თანხმობის მიცემის შესაძლებლობაა. ეს ფუნქციონალი ბიზნესსა და ბანკს შორის თანამშრომლობას კიდევ უფრო ამარტივებს. საკრედიტო ინფორმაციაზე თანხმობის მიცემით, თქვენზე მორგებულ შეთავაზებებს წინასწარ მიიღებთ, რითაც დროს მაქსიმალურად დაზოგავთ.

ბარათის შეკვეთა

ბიზნეს ინტერნეტბანკში კიდევ ერთი სიახლე ბარათებს ეხება. ახლა ბარათის შეკვეთა და სასურველ მისამართზე მიღება კიდევ უფრო მარტივი გახდა.

საქართველოს ბანკი მუდმივად განაგრძობს ციფრული არხების განახლებასა და მომხმარებლებზე მორგებული ფუნქციონალების დანერგვას. საქართველოს ბანკის სხვა ბიზნესპროდუქტებსა და სერვისებზე დამატებითი ინფორმაცია შეგიძლიათ მიიღოთ აქ. ხოლო თუ ჯერ არ ხართ საქართველოს ბანკის ბიზნეს მომხმარებელი, გახსენით ანგარიში მარტივად ონლაინ.