ეპიკური ფენტეზის მოყვარულები მალე ახალ ზღაპრულ სამყაროში ჩაიკარგებიან. გერმანულ სერიალს Hagen განსაკუთრებულად სამეფო კარის თამაშებისა და ვიკინგების ფანების სიყვარულს უწინასწარმეტყველებენ.

სერიალი ეკრანიზაციაა ვოლფგანგ ჰოლბაინის რომანისა, რომელიც, თავის მხრივ, ნიბელუნგებზე შუა საუკუნეების გერმანულ თქმულებას ეფუძნება. ეს ხალხური ეპოსი არაერთი ფანტასტი მწერლისთვის, მათ შორის, ბეჭდების მბრძანებლის ავტორისთვის, ქცეულა შთაგონების წყაროდ.

როგორც ცნობილია, Hagen-ს მაყურებელი ოქტომბერში იხილავს, მაგრამ სერიალიდან პირველი კადრები უკვე გავრცელდა.

ფოტო: Constantin Film

Hagen დრაკონებთან მებრძოლ ზიგფრიდსა და მთავარსარდალ ჰაგენზე გვიყვება. ამ უკანასკნელს სამეფოსა და მონარქისადმი ერთგულება ევალება, მაგრამ მოულოდნელად პრინცესა კრიმჰილდი უყვარდება და ხვდება, რომ ამ ურთიერთობას მეფე არასდროს დაუშვებს.

ფოტო: Constantin Film

სერიალის რეჟისორები კირილ ბოსი და ფილიპ შტენერტი არიან, სცენარზე კი, მათთან ერთად, დორონ ვისოცკიმ იმუშავა. Hagen-ში მთავარ როლებს იანის ნივონერი, გის ნაბერი, როზალინდ მინსტერი და ლილია ვან დერ ცვააგი ასრულებენ.

ფოტო: Constantin Film

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…